Det vi kanskje ser aller mest fram til på denne sida av hausten er Bungie Softwares Halo 3: ODST. Halo 3, som kom så langt tilbake som i 2007, har halde seg godt til tross for alderen. ODST er også bygd på den same grafikkmotoren som sist, men innhald og spelopplevinga er sagt å vera noko heilt anna. Historia foregår to veker før handlinga i opprinnelege Halo 3, og plassen er ruinane av afrikanske New Mombasa. Ein spelar ikkje lenger som supersoldaten Master Chief, men derimot ein “rookie” soldat som er langt meir menneskeleg og sårbar. Sniking blir dermed eit viktigare element enn det har vore, men det ikkje er snakk om Hitman/Splinter Cell-style. Det har vorte lova eit større geografisk univers, meir i retninga “ope” sandkassemiljø. Fleirspelardelen, såkalla “Matchmaking”, vil innehalda alle dei nedlastbare kartpakkene pluss tre nye. Det er dermed lite vits å gå til innkjøp av kartpakker på nettet dersom ein har planar om å kjøpa dette spelet i september. Nytt i ODST er og spelmoduset “Firefight”. Her vil du, og opp til tre vener, kjempa mot bølgje etter bølgje av motstandarar. Bungie lovar episke slag og ekte gladvold. For dei av oss som innimellom blir leie av juling frå amerikanske tenåringar (i fleirspelarmodus) så lovar dette godt.

Eit spel som har fått mykje merksemd (og som det er svidd av mykje reklamekroner på) er Brütal Legend. Spelarar som syns at Jack Black er utrulig komisk har sikkert mykje å gleda seg til her. Med gjesteopptreden av sjølvaste Ozzy Osbourne og musikk frå norske band som Dimmu Borgir, Enslaved og Emperor, kan det faktisk bli artig.

Oktober byr på FIFA10 og ikkje minst ny tilleggspakke til GTA4: Ballad Of Gay Tony.

Denne hausten er tydelegvis tid for store oppfylgjarar og PS3-folket kan gle seg til oppfylgjaren til Uncharted: Drakes fortune som framleis er eit av dei aller beste spela på denne plattformen. Uncharted: Among Thieves lovar meir av det same.

November byr på Call Of Duty: Modern Warfare 2 på PC, X360 og PS3 og Asassins Creed 2 lovar også godt.

La berre mørketida koma, vi er klare.